O Programa d’as luengas y culturas d’o Camín de Sant Chaime


Este programa se mira de remarcar l’aportación d’as luengas y culturas d’o
Camín de Sant Chaime a o gran patrimonio común europeu, fendo ficancia mas
que mas en as luengas y culturas rechionals y/u minoritarias. Ta lograr-lo se
promoverá a divulgación d’o patrimonio cultural dillá d’as mugas estatals y s'irá
a escar o dialogo entre as diversas luengas y culturas d’os miembros que i son.


Ye muito important reflectar a relación historica entre as parlas y culturas d’os
camins de Sant Chaime, ta dar a conoixer a diversidat ligüistica d’Europa, o
suyo orichen y as relacions entre os diferents idiomas, fendo viyer que a
pluralidat lingüistica y cultural ye un component intrinseco a la identidat
europea.

 


Linias d’actuación


- Creyación d’un rete europeu d'achents culturals que faiga de tarabidau a la
difusión y o conoiximiento d’a cultura y as luengas europeas vinculadas a o
camín de Sant Chaime.


- Congreso sobre Europa en as suyas luengas y culturas.


- Plan estratechico común d’actuación con l’obchectivo d’aplicar a innovación y
  a creyatividat a las estratechias de promoción cultural en Europa.


- Programa de difusión transnacional sobre Europa en os camíns de Sant
  Chaime (exposición itinerant, materials, y tot ixo.).


- Desarrollo d’un portal web multilingüe sobre a historia cultural d’as diferents
  rechions europeas ligadas a o camín de Sant Chaime.

 

 

Participants


O programa se fa a traviés d’una bastida de colaboración an que se incluyen
parte d’as rechions europeas vinculadas a la pelegrinación en o Camín de
Santiago y tamién a la politica lingüistica en luengas minoritarias:


     - Secretaría Xeral de Política Lingüística da Xunta de Galicia.
     - Ofis ar Brezhoneg.
     - Asociación “Estudio de Filología Aragonesa”.
     - Christian-Albrechts-Universität zu Kiel.
     - Euroccat, Eurocongrès 2000 des Pays occitans et Catalans.
     - Euskarabidea/Instituto Navarro d’o Vascuence. Gobierno de Navarra.
Diversidat Cultural y lingüistica en o Camín de Sant Chaime, ye una exposición
que se fa en a bastida d’o programa europeu que leva per nombre Camín d’as
culturas y as luengas. Ye una acción empentada per seis entidatz europeas
encargadas d’o desarrollo de luengas rechionals y financiada en un 50% per
l’Agencia Ejecutiva en el Ámbito Educativo, Audiovisual y Cultural (EACEA).


O pelegrín que fa o camín no lo fa como una cursa impermeable. Tot o largo
d’a rota fa partache, conoix, se comunica, y amonico-amonico va emplindo a
suya mochila de nuevas experiencias, culturas y luengas.


Esta exposición itinerant se mira d’acercar a o visitant a l'amalgama sinfinita de
colors que forma este microcosmos denominau Camín de Sant Chaime, fendolo
d’una traza enchugardida y fendo-le una invitación a participar y a reflexionar
arredol d’a diversidat lingüística y cultural.

 


Congreso “As Luengas y Culturas d’o Camín de Sant Chaime
de Compostela: Present y Futuro”


A celebración d’o congreso dedicau a las luengas y as culturas d’Europa, más
que más as parlas rechionals y/u minoritarias vinculadas a o Camín de
Santiago, servirá de punto de trobada d’especialistas en estas materias. En o
congreso se tractarán aspectos intrinsecament europeus referÅents a una
historia de luengas y culturas de diferents rechions d’Europa reflexionando
sobre o papel d’as rotas chacobeas en a diversidat cultural y lingüistica
d’Europa asinas como en as influencias y relacions que bi ha entre ellas.


21 y 22 d’octubre de 2011, Sant Chaime de Compostela, Museu Pedagochico
de Galicia (San Lázaro 107)

Loading
www.santiagolanguages.com
www.santiagolanguages.com
Sprachen und Sprachpolitik entlang des Jakobsweges, Romanisches Seminar der CAU zu Kiel: 28.05.2013
Sprachen und Sprachpolitik entlang des Jakobsweges, Romanisches Seminar der CAU zu Kiel: 28.05.2013
EUROPA AUF DEN JAKOBSWEGEN            KIEL, LANDESHAUS: 22. 11. – 19. 12. 2011 | CENTRE CULTUREL FRANÇAIS, KIEL: 24.01. - 24.02.2012
EUROPA AUF DEN JAKOBSWEGEN KIEL, LANDESHAUS: 22. 11. – 19. 12. 2011 | CENTRE CULTUREL FRANÇAIS, KIEL: 24.01. - 24.02.2012
Congress Santiago (21./22.10.2011)
Congress Santiago (21./22.10.2011)