Beschrieven vun dat Projekt

Weg vun Spraken un Kulturen - De Riekdom vun Spraken un Kulturen bilangs den Jakobsweg

 

Dat Projekt schall wiesen, welke Spraken un Kulturen dat bi de Jakobsweg geven deit un dorbi düdlich maken, wat se för en Bedüden hebbt för dat Kulturarv vun Europa. Besünners up de Minnerheiden un ehr Kulturen warrt dorbi keken. Wat wi up disse Wies gewahr warrt, wüllt wi över de Grenzen vun de Natschoonaalstaaten bekennt maken. Plaant is,

 

- de spraaklich un kulturell Riekdom vun Europa, de Herkunfst vun de Spraken un ehr tegensiedig Verbinnen bekennt to maken un as Grunn vun en europäisch Identität gewahr warrn to laten,
- Pilgers un anner Minschen, wat dor Künn vun hebben wüllt, wat vun de Upboo
un dat Wiedergahn vun de Projektspraken weten to laten un wat över verleden un hüdige Verbinnens vun de Spraken to vertellen,
- en beter Verstahn vun de verscheden Kulturen in de Oorten un Landstreken langs de Jakobsweg mööglich to maken un up disse Wies de Gedachten vun
en enig Europa ok güntsied de Grenzen to bringen

 

Dat schall en Kungress över de Spraken un Kulturen vun Europa geven, wor besünners över de lütten Spraken un Kulturen bilangs de Jakobsweg snackt warrt. Lüüd ut verscheden europäisch Lannen, de dor ok goot Künn vun hebbt, vertellt dor, wo de Jakobsweg Infloot nohmen hett up de grote Tahl vun Spraken in Europa, wo sik de Spraken tegensiedig wat doon hebbt un wo dat vundag mit disse Spraken un ehr Mitnanner utsehn deit.

 

Wannerutstellen „Europa up de Jakobswegen“

 

Dat europäisch Projekt „Weg vun Spraken un Kulturen“ sett dor ok en Wannerutstellen togang, wor dat um „Europa up de Jakobswegen“ geiht. Dorbi warrt jede Aart un Wies bruukt, um dat hele Wark wohl to lieden to maken: Biller un Höörwark, wor de Besökers sülvst wat mit doon köönt, Bööker, Zedels un Heften un wat nich allens noch. Mit sülke Saken warrt dat Arv up dat Rebeet Literatur nich so openlich maakt as dat Arv vun de Kunst. Hier is besünners de Jakobsikonographie to nömen. Man ok hier schall dat um de Spraken gahn, wat dor in de ne’e Tieden in de Wetenschap över forscht un schreven warrn is. Dat allens schall wiesen, wo de Hilige Jakobus un de Pilgerwegen na Santiago de Compostela de Tosamenkunfst vun de europäisch Kulturen fördert hebbt.

 

Dat Bedüden vun de Spraken bilangs de Jakobsweg warrt besünners düdlich maakt. So lett de Ustellen all de Besökers weten, wat de Jakobsweg in fröher Tieden un ok vundag för dat Tosamenhollen vun Europa doon hett un noch deit.

 

Neben de Utstellen gifft dat denn ok noch anners wat to sehn un to maken, to’n Bispööl Vördreeg, Bookvörstellens, Kunzerten, Vörlesens vun Texten över de Jakobsweg, oder ok Studiendagen.

 

Internetsied över de Kulturhistorie vun de verscheden Kuntreien bilangs de Jakobsweg in vele Spraken (www.camino-eu.com)

 

Disse Webstee hollt allens, wat vun Belang is, to’t Ankieken un Daalladen vör: Daten, Dokumenten, Texten, Afbiller un anner Wark, wat mit de Spraken un de Pilgerreis to doon hebbt. Ok gifft dat hier allens to finnen, wat de Lüüd vun dat Projekt bi ehr Wark kloor kriggt. De hele Webstee is in verscheden Spraken to sehn un is so upsett, dat Minschen dor goot wat lehren köönt. Mit de Hülp vun Texten un Biller, Koorten un Diagrammen kann de Bruker de Milenstenen vun de Spraak- un Kulturgeschicht in Europa nakieken un nabeleven, wiel he wat to weten kriggt över de Kultur un Spraken in de Landstreken rund de Jakobsweg. Dat allens kann sik jedereen in jede Spraak vun dat Projekt daalladen un utprenten. Liekso gifft dat en Koort vun Europa, wor een de Wallfahrtswegen mit de belangriekste kulturell of spraaklich Begeevnissen nakeken mag.

 

Dor is dat Internetportaal för docht:

 

- Breed Informatschoonen to Wallfahrten un de Bedüden vun Wallfahrten för dat Rutbillen vun de

   Kulturen un Spraken in Europa.

- Upbereiden vun belangriek Dokumenten un Warken över de Pilgeree un de spraaklich un

   kulturell Identität vun de Minschen in Europa.

Sprachen und Sprachpolitik entlang des Jakobsweges, Romanisches Seminar der CAU zu Kiel: 28.05.2013
Sprachen und Sprachpolitik entlang des Jakobsweges, Romanisches Seminar der CAU zu Kiel: 28.05.2013
EUROPA AUF DEN JAKOBSWEGEN            KIEL, LANDESHAUS: 22. 11. – 19. 12. 2011 | CENTRE CULTUREL FRANÇAIS, KIEL: 24.01. - 24.02.2012
EUROPA AUF DEN JAKOBSWEGEN KIEL, LANDESHAUS: 22. 11. – 19. 12. 2011 | CENTRE CULTUREL FRANÇAIS, KIEL: 24.01. - 24.02.2012
Congress Santiago (21./22.10.2011)
Congress Santiago (21./22.10.2011)